Չիլիում մեկնարկել է աշխարհի ամենախոշոր աստղադիտակի շինարարությունը։ Մեկնարկը տրվել է երկրի նախագահ Միշել Բաչելետի կողմից։ Էկզոմոլորակների (Արեգակնային համակարգի սահմաններից դուրս) հետազոտության համար նախատեսված սարքը, որը ստացել է «Եվրոպական չափազանց մեծ աստղադիտակ» (EELT) անվանումը, պատրաստ կլինի 2024 թվականին չիլիական բարձրլեռնային Ատակամա անապատում։ Այս մասին հայտնում է TASS գործակալությունը։
«Այստեղ կկառուցվի ոչ պարզապես աստղադիտակ, այլ գիտության ու տեխնոլոգիաների, ինչպես նաև միջազգաին համագործակցության հնարավորությունների խոշորագույն ապացույցներից մեկը»,-ասել է Բաչելետը։
1 մլրդ եվրո արժողությամբ սարքը կհանդերձվի 5 սեգմենտային հայելիներով։ Դրանցից ամենամեծի տրամագիծը կկազմի 39 մետր։
Աստղադիտակի պտտվող գմբեթի մակերեսը համադրելի կլինի ֆուտբոլի դաշտի հետ (86 մ տրամագիծ)։ Կառույցի ընդհանուր կշիռը կկազմի 5000 տոննա, դրանից 3000-ը կհանդիսանա շարժական մաս։
