««Առաջին լրատվական»- ի հետ զրույցում «Ազգային անվտանգություն» կուսակցության ղեկավար Գառնիկ Իսագուլյանն անդրադառնալով դիտարկմանը, որ հետընտրական փուլում Հայաստանի քաղաքական դաշտում գլխավոր ինտրիգը մնում է այն, թե արդյոք 2018-ից հետո նախագահ Սերժ Սարգսյանը կշարունակի պաշտոնավարել վարչապետի պաշտոնում, թե Կարեն Կարեն Կարապետյանը կմնա այդ պաշտոնում, նշեց. «Ես չեմ կարծում, թե մեխանիկական լուծում պետք է տրվի: Կարեն Կարապետյանը մնալու ցանկություն պետք է ունենա և պետք է հնարավորություն կարողանա ստեղծել իր համար, որովհետև խոսքն արդեն 100 օրվա մասին չէ:
Եթե կառավարությունը կարողանա մեկ տարում կատարել քայլեր, որոնք հասարակության մեջ կառաջացնենք այն զգացողությունը, որ գործող կառավարությունը իրավիճակի փոփոխության հնարավորություն ունի, ապա Կարեն Կարապետյանը կմնա: Բայց եթե այդ ընթացքում Կարեն Կարապետյանը չկարողանա փոփոխություն առաջացնել, չեմ կարծում, թե մեխանիկորեն պետք է ասվի, որ Կարեն Կարապետյանը մնում է»:
Իսագուլյանի խոսքով՝ ՀՀԿ-ն որպես ամբողջություն է այդ ամեն ինչին տնօրինում, և ՀՀԿ-ն՝ ինքը, պետք է որոշի՝ Կարեն Կարապետյանը կարողացե՞լ է արդարացնել հույսերը, որպեսզի 2018-ից հետո շարունակի որպես վարչապետ աշխատել, թե՞ անհրաժեշտ է փոփոխություն, և այդ փոփոխությունն ինչ տեսքով կլինի, դա որոշողը լինելու է ՀՀԿ-ն:
«Առաջընթաց կա թե չկա, սա պետք է տեսնի հասարակությունը. սա է ամենակարևոր խնդիրը»,- նշեց Իսագուլյանը:
Մանրամասները՝ տեսանյութում: