Դիզայներ Սիգրուն Լիլյա Գուդյոնսդոտիրը, որը EFJ օծանելիքի ստեղծողն է՝ իր օծանելիքին անուն տալով Էիյյաֆյահլայոկուհլ հրաբխի պատվին, կթողարկի նոր «հրաբխային» օծանելիք: Այս մասին մայիսի 30-ին հայտնել է France Presse գործակալությունը:
Նոր բուրմունքը կստանա VJK (Վատնայոկուհլ) անվանումը: Այն ստեղծվելու է Գրիմսվյոհթն հրաբխի լանջերից հավաքած հալած սառցաջրով: Այդ լեռան ժայթքումը 2011 թ. մայիսին իրարանցում էր Եվրոպայի ուղևորափոխադրման ոլորտում՝ ստիպելով փակել որոշ երկրների օդային տարածքները: Այս օծանելիքը նախատեսված է լինելու տղամարդկանց համար:
2010 թ. հոկտեմբերին Gydja ընկերությունը, որը ղեկավարում է Սիգրուն Լիլյա Գուդյոնսդոթիրը, թողարկել է EFJ կանացի օծանելիքը, որը նույնպես պատրաստվել էր լանջերի հալած սառցաջրով: Նման բուրմունքի ստեղծման գաղափարը Գուդյոնսդոթիրի մեջ ծնվել է Էիյյաֆյահլայոկուհլ հրաբխի ժայթքումից հետո: Ընկերությանը հաջողվել է վաճառել ավելի քան երկու հազար տուփ օծանելիք, որոնցից յուրաքանչյուրն արժեր 80 դոլար:
Էիյյաֆյահլայոկուհլ հրաբուխի ժայթքումը տեղի է ունեցել 2010 թ. գարնանը: Եվրոպական երկրների մեծ մասը սահմանափակել կամ արգելել էր իր օդային տարածքներով թռիչքները, քանի որ օդում մեծ էր հրաբխային փոշու տոկոսը:
