Վերջին 13 տարիներին Ֆրանսիայում գործազրկությունը հասել է ռեկորդային մակարդակի: Երկրում գործազուրկ է համարվում 3 մլն մարդ: Միաժամանակ իշխանությունները ցանկանում են վերադարձնել ֆրանսիական մթերքների մրցունակությունը համաշխարհային շուկայում: Փորձագետները, սակայն, զգուշացնում են, որ միայն հայրենական արտադրության մթերքներ գնելը «կհարվածի» ֆրանսիացիների գրպանին: Այս մասին հաղորդում է RT-ն:
Համաձայն փորձագետների՝ եթե յուրաքանչյուր ամիս ֆրանսիացիները գնեն միայն հայրենական արտադրության մթերքներ, ապա նրանք ստիպված կլինեն ծախսել 100-300 եվրո ավելի: Այս գումարը կարող է նվազեցնել առանց այն էլ անկում ապրած գնողունակությունը՝ կարծում են տնտեսագետները:
Ֆրանսիացիներն իրենք ևս չեն պատրաստվում հավելյալ գումար ծախսել՝ հայրենական արտադրողին աջակցելու համար: Ոմանք էլ կարծում են, որ գլոբալիզացիայի շնորհիվ այժմ կարելի է ձեռք բերել ավելի էժան ապրանքներ:
