ԱՄՆ-ը և Թուքիան պետք է Սիրիայի կարգավորման և ահաբեկչության դեմ պայքարի հարցերում իրականացնեն լուրջ երկխոսություն, հայտարարել է ԱՄՆ պետքարտուղարի օգնական Ջոնաթան Քոենը, հայտնում է RIA Novosti-ն:
Պետդեպարտամենտի ներկայացուցիչը նշել է, որ Վաշինգտոնը և Անկարան բանակցություններ են վարում «YPG-ի (Քրդստանի աշխատավորական կուսակցություն) շուրջ տարաձայնության վերաբերյալ», սակայն նաև այն մասին, թե ինչպես համատեղ ջանքերով հասնեն Սիրիայի հակամարտության կարգավորման:
«Նախ, մենք նախագահների մակարդակով խոստացել ենք աշխատել հարաբերությունների խորացման և ընդլայնման, առևտրային կապերի ուժեղացման վրա»,- հայտնել է ամերիկացի դիվանագետը` ելույթ ունենալով ԱՄՆ-Թուրքիա հարաբերություններին նվիրված ամենամյա կոնֆերանսում:
Բացի այդ, նրա խոսքերով` ԱՄՆ-ը և Թուրքիան պետք է համոզված լինեն այն բանում, որ նրանք «ուս-ուսի կանգնած են ահաբեկչական խմբավորումների դեմ պայքարում»:
«Մենք պետք է շարունակենք խոսել Սիրիայի ապագայի մասին և այն դերի, որը խաղում է Իրանը Մերձավոր Արևելքում: Մենք ընդհանուր պատկերացում ունենք այն բանի մասին, թե մենք ինչպես կհամագործակցենք պարսիկների հետ: Մեզ պետք է ավելի լուրջ երկխոսություն այդ հարցերում: Դա կօգնի ընդլայնել ռազմավարական գործընկերության հիմքերը»,- ընդգծել է Քոենը:
