Թերթը հայտնում է, որ ՀՀ ոստիկանության հասարակայնության հետ կապերի և լրատվության վարչության պետ Սայաթ Շիրինյանին, որը մոտ մեկ տարի առաջ ազատվել էր իր պաշտոնից և մնացել ոստիկանության կադրերի տրամադրության տակ, նոր աշխատանք են տվել:
«Շիրինյանին հանրությունը առավել լավ հիշում Է մարտի 1-ի իրադարձություններից հետո նրա արած հայտարարությունների շնորհիվ: Մարտի 1-ի վերաբերյալ սուտ տեղեկությունների մի զգալի մասը, որոնք հետագայում հերքվել են, հրապարակվել են հենց նրա շուրթերով»,- գրում է «ՀԺ»-ն և հավելում, որ Շիրինյանն արդեն մոտ մեկ ամիս է՝ աշխատում է Սերժ Սարգսյանի աշխատակազմին կից ստեղծված հանրային կապերի և տեղեկատվության կենտրոնում որպես փորձագետ: Այս տեղեկությունը թերթի հետ զրույցում հաստատել է նաև նշված կենտրոնի տնօրեն Արա Սաղաթելյանը:
