Լիբիայի ազգային բանակը հայտարարել է, որ առնվազն 140 մարդ է զոհվել երկրի հարավում ավիաբազայի վրա կատարած հարձակման հետևանքով։ Այս մասին հայտնում է France Presse գործակալությունը։
Նշվում է, որ զինվորները վերադառնալիս են եղել զորահանդեսից։ Նրանք եղել են անզեն։ Նրանց մեծ մասը զոհվել է։ Զոհերի թվում կան նաև խաղաղ բնակիչներ, ովքեր աշխատել են ավիաբազայում կամ գտնվել մոտակայքում։
Ազգային համաձայնության կառավարության ղեկավար Ֆաեզ Աս-Սարաջն աշխատանքից հեռացրել է պաշտպանության նախարար Ալ-Մահդի Ալ-Բարգասիին ավիաբազային վրա հարձակման պատճառով։ Նշվում է, որ հարձակումն իրականացրել են Տրիպոլիի կառավարությանը դաշնակից խմբավորումները, սակայն Ազգային համաձայնության կառավարությունում արդեն հերքել են մասնակցությունը հարձակման՝ դատապարտելով այն և հայտարարելով, որ ոչինչ չեն իմացել պատրաստվող գրոհի մասին։
Ներկայում Լիբիայում երկիշխանութուն է տիրում։ Երկրի արևելքում՝ Տոբրուկ քաղաքում, նստում է ժողովրդի կողմից ընտրված խորհրդարանը, իսկ արևմուտքում՝ մայրաքաղաք Տրիպոլիում, իշխում է ՄԱԿ-ի և Եվրոպայի աջակցությամբ ձևավորված Ազգային համաձայնության կառավարությունը՝ Սարաջի գլխավորությամբ։
