«Առաջին լրատվական»- ի հետ զրույցում գնահատելով ստեղծված իրավիճակը և անդրադառնալով դիտարկմանը, որ հանրությունը չի վստահում ո՛չ իշխանությանը, ո՛չ ընդդիմությանը, հույս չի կապում քաղաքական որևէ ուժի հետ, քաղաքական մեկնաբան Լևոն Մարգարյանը նշեց, որ սոցիալական դժգոհությունը չի ենթադրում, որ այն մարդկանց ձայները, ովքեր դժգոհ են իշխանությունից, պետք է գնան ընդդիմադիրներին:
«Որպեսզի դժգոհությունը վերածվի քաղաքական շոշափելի կապիտալի, պետք է ունենանք մեկ այլ վերնախավ՝ իշխանությունից դուրս, որը կունենա տեխնիկական հնարավորություններ, նյութական և ինտելեկտուալ ռեսուրսներ, որպեսզի կարողանան մի քանի քայլանոց կոմբինացիաներ խաղարկել, կոնսոլիդացնել ընտրազանգված, որը կկայունանա և, ընտրողից բացի, կդառնա քաղաքականության մասնակից: Այս ամեն ինչը մեզ մոտ չկա»,- նշեց քաղաքական մեկնաբանը:
Նրա խոսքով՝ միայն սոցիալական դժգոհությունը ընդդիմության համար շատ քիչ ինդիկատոր է, որպեսզի իրենք մտածեն, որ իրենք կկարողանան ընտրություններում հաղթել: Նա նշեց, որ պետք է ստեղծել թիմ, որն ունի փորձ, ֆինանսական ռեսուրսներ և կկարողանա ընտրազանգված մոբիլիզացնել և մտքեր գեներացնել:
«Այս պահին ընդդիմության տիտղոսակիրը «Ելք»-ն է, «Ելք»-ը համարվում է մաքուր քաղաքական ուժ, նշեց Լ. Մարգարյանը և ընդգծեց, որ «Ելք»- ի մոտ կա միայն հռետորաբանությունը: Նրա կարծիքով՝ քաղաքական մի քանի կոմբինացիաներից բաղկացած խաղերի իմաստով «Ելք»-ը կաղում է: ««Ելք»-ը նման է ֆուտբոլային թիմի, որտեղ կիսապաշտպանական գիծ չկա, կան լավ հարձակվողներ, ամբողջ թիմով հարձակվում են, հետո հարկ եղած դեպքում ամբողջ թիմով պաշտպանվում են»,- նշեց քաղաքական մեկնաբանը:
Մանրամասները՝ տեսանյութում:
