Հարգելի գործընկերներ,
Այս նամակով ցանկանում եմ տեղեկացնել Ձեզ, որ ս.թ. հուլիսի 1-ից հեռանում եմ ՆԱՍԴԱՔ ՕԷՄԷՔՍ Արմենիա ֆոնդային բորսայի Գլխավոր տնօրենի պաշտոնից:
Ամփոփելով բորսայում ավելի քան 10 տարվա իմ գործունեությունը և Ձեզ հետ ունեցած համագործակցությունը, տեսնում եմ, թե որքան ջանքեր են ներդրվել ոչ միայն բորսայի, այլ նաև շուկայի բոլոր մասնակիցների կողմից` Հայաստանի կապիտալի շուկան կայացնելու, զարգացնելու և ներկայիս մակարդակին հասցնելու համար:
Անշուշտ, ունեցել ենք ինչպես ձեռքբերումներ, այնպես էլ կորուստներ, եղել են վերելքներ և անկումներ, առաջխաղացումներ և հետընթացներ, սակայն` հետադարձ հայացք նետելով, չեմ կարող բավարարվածություն չզգալ այն բանից, որ հենց այդ ջանքերն ու այդ վերելքներն ու անկումներն են, որ հնարավորություն են տվել Հայաստանի կապիտալի շուկայի կուտակելու հսկայական ներուժ, դառնալու ավելի մրցունակ և ավելի գրավիչ` տեղի և օտարերկրյա ներդրողների համար: Իհարկե, դեռևս շատ անելիքներ քան, բազմաթիվ են նաև մարտահրավերները:
Սակայն միանգամայն վստահ եմ, որ շուկայի մասնակիցների կողմից այս տարիների ընթացքում ձեռք բերված փորձը և NASDAQ OMX-ի աջակցությունը հնարավորություն կընձեռեն Հայաստանին դառնալու տարածաշրջանում առաջատար կապիտալի շուկան:
Օգտվելով այս առիթից, կցանկանայի բոլորիդ ևս մեկ անգամ հայտնել իմ երախտագիտությունը` սերտ համագործակցության և մշտական աջակցության համար:
Հարգանքներով`
Արմեն Մելիքյան
