Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսը Հայ առաքելական եկեղեցու Մոսկվայի եկեղեցական համալիրում բացել Է հայ նշանավոր նկարիչների ցուցահանդեսը, միջոցառումը նվիրված Է Ռուսաստանի եւ Նոր Նախիջեւանի հայոց թեմի հիմնադրման 300-ամյակին:
Ցուցահանդեսում ներկայացված են Հովհաննես Այվազովսկու, Վարդգես Սուրենյանցի, Գրիգոր Խանջյանի եւ ուրիշների աշխատանքները: Բացի այդ, ցուցադրանքում ներկայացված են հայ կրոնական արվեստի առարկաներ:
«Սրտագին աղոթք ենք հղում առ Աստված ի բարօրություն մեր երկու պետությունների, մեր հավատակից ժողովուրդների արգասաբեր համագործակցության եւ բազմադարյան եղբայրության»,-հայտարարել Է Վեհափառ Հայրապետը:
Միջոցառման հյուրերի թվում եղել Է ՌԴ-ում Հայաստանի արտակարգ և լիազոր դեսպան Վարդան Տողանյանը:
Օրհնությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի և հրավերով Ռուսաստանի և Նոր Նախիջևանի հայոց թեմի առաջնորդ Գերաշնորհ Տ. Եզրաս արքեպիսկոպոս Ներսիսյանի, թեմի հիմնադրման 300-ամյակի կապակցությամբ մայիսի 16-18-ը Մոսկվայում կգումարվի Գերագույն հոգևոր խորհրդի հերթական ժողովը:
Այս առիթով մայիսի 15-ին Գարեգին Բ Ամենայն Հայոց Կաթողիկոսը ժամանել Է Մոսկվա:
