Ֆրանսիայում Հայաստանի արտակարգ և լիազոր դեսպան Վիգեն Չիտեչյանը մասնակցել է Ֆրանսիայի նորընտիր նախագահ Էմանուել Մակրոնի պատվին տրված ընդունելությանը: Nouvelles d`Armenie-ի փոխանցմամբ՝ Մակրոնը ջերմորեն ողջունել է Վիգեն Չիտեչյանին: Ընդունելությունը կազմակերպել էր Փարիզի քաղաքապետ Անն Իդալգոն:
Ելիսեյան պալատում մայիսի 14-ին տեղի է ունեցել Ֆրանսիայի Հանրապետության 8-րդ նախագահի երդմնակալության արարողությունը. Ֆրանսիայի սահմանադրական խորհրդի նախագահ Լորան Ֆաբիուսը Էմանուել Մակրոնին հռչակել է երկրի նախագահ:
Ապրիլի 24-ին Մակրոնը Փարիզում մասնակցել էր Հայոց ցեղասպանության 102-րդ տարելիցին նվիրված միջոցառմանը և ծաղիկներ խոնարհել Կոմիտասի հուշարձանին: Նա հայտարարել էր նաև Հայոց ցեղասպանության ժխտումը քրեականացնող օրինագծի ընդունման կարևորության մասին:
