Նիկոլ Փաշինյանը ֆեյսբուքյան էջում նշել էր, որ Տարոն Մարգարյանի նախընտրական շտաբներից մեկի ներսում հավանաբար կան քվեաթերթիկներ, փող և ընտրողների ցուցակներ: Նա պահանջել էր, որ իրավապահ մարմինները ներկայանան շտաբ՝ դուռը բացելու և լուրերի իսկությունը ստուգելու:
Իրավապահները ներկայացել են: Նրանք դեմ են, որ «Ելք»- ի անդամները մասնակցեն զննությանը և մերժում են զննությանը մասնակցելու վերաբերյալ նրանց բանավոր միջնորդությունը արձանագրել:
«Եթե զննությունը կատարվում է մեր բացակայությամբ, ուրեմն ոստիկանությունը փորձում է թաքցնել քվեաթերթիկները, այլ հանցանշանները, հանցանքը»,- այս մասին ասաց Ն. Փաշինյանը:
Այդ ընթացքում ինչ-որ մեկը մեքենան կտրուկ տեղից պոկեց և արագ ընթացքով հեռացավ: Փաշինյանն արձագանքեց. «Սամվել Ալեքսանյանի պահեստի մեշոկ բարձողը ձեր ներկայությամբ «ճռռիկ» է անում, դուք ի՞նչ ոստիկան եք»:
Մանրամասները՝ տեսանյութում:
