Անկարան շարունակում է Ս-400 զենիթահրթիռային համալիրի մատակարարման բանակցությունները Մոսկվայի հետ, սակայն նրա վերջնական նպատակն է ինքնուրույն արտադրել սեփական ՀՕՊ համակարգի բաղադրիչներ, հայտարարել է Թուրքիայի պաշտպանության նախարար Ֆիքրի Ըշըքը չորեքշաբթի օրը:
«Ռուսաստանի հետ Ս-400-ի մատակարարման բանակցությունները հասել են հասուն փուլի, մնացել են տեխնիկական մանրամասները: Երբ պայմանավորվենք գնի շուրջ, այն կներկայացնենք մեր նախագահին, և որոշում կընդունվի: ՆԱՏՕ-ի երկրները մեզ հետ չեն կիսվում տեխնոլոգիայով, չեն ներկայացնում մրցունակ գին, սակայն անիմջապես քննադատում են, հենց որ Թուրքիան սկսում է փնտրել այլընտրանքներ: Նրանք այդպիսի իրավունք չունեն: Մեր հիմնական նպատակն է, ինչի դեմ ոչ ոք չի կարող հանդես գալ` ՀՕՊ համակարգի համար արտադրել սեփական բաղադրիչներ: Եվ մենք մեծ աշխատանք ենք սկսել այդ ուղղությամբ»,- ասել է Ըշըքը NTV հեռուստաալիքի եթերում:
