ԵԱՀԿ երևանյան գրասենյակի փակմանն ուղղված ջանքերով Ադրբեջանը ցանկանում էր ցույց տալ, որ Ղարաբաղյան հիմնահարցը սառեցված չէ․ ԵԱՀԿ երևանյան գրասենյակի փակման հետևանքների մասին խոսելիս այսպես ասաց Ազգային ժողովի արտաքին հարաբերությունների հանձնաժողովի նախկին նախագահ Հովհաննես Իգիթյանը:
«Հարյուրավոր գնդակներով, որ Ադրբեջանն ուղարկում է Հայաստան և Ղարաբաղ, Ադրբեջանը փորձում է ցույց տալ, թե ինչքան վատն է այս կոնֆլիկտը: Բացի դրանից՝ Ադրբեջանը փորձում է միջազգայնացնել իր դժգոհությունը, կոնֆլիկտը դուրս հանել Հայաստան-Ադրբեջան հարաբերություններից»,- ասաց նա՝ մատնանշելով, որ ԵԱՀԿ գրասենյակի փակումը Հայաստանում ևս այդ ծրագրի մասն է կազմում:
Իգիթյանը նշեց, որ Ադրբեջանի արտգործնախարարը նշել էր, որ այդ ծրագիրը հնարավոր է իրականացնել, եթե կոնֆլիկտը լուծվի. «Այսինքն՝ եթե դիվանագիտական լեզվով ենք փորձում դա ներկայացնել, որ Ադրբեջանը կհամաձայնվի Երևանում ԵԱՀԿ գրասենյակի բացման հետ, եթե կոնֆլիկտը լուծվի, ընդ որում՝ իր ուզած ձևով»: Նա նաև հավելեց, որ այս համատեքստում էլ պիտի հասկանանք, թե որ երկրներին է այս իրավիճակը ձեռնտու կլինի, և նկատեց, որ դա ձեռնտու էր նաև Ռուսաստանին:
Հ. Իգիթյանի խոսքով՝ ԵԱՀԿ-ն խանգարում է այն երկրներին, որոնք թաքցնելու բան ունեն թե՛ հասարակությունից, թե՛ միջազգային հանրությունից:
Մանրամասները՝ տեսանյութում:
