Մեծ պատիվ եմ ունեցել այսօր Սպիտակ տանը ողջունել Գեորգի Կվիրիկաշվիլիին: Այս մասին Twitter-ում գրառում է կատարել ԱՄՆ նախագահ Դոնալդ Թրամփը:
Վրաստանի վարչապետը Թրամփի հետ հանդիպումից հետո իր հերթին հայտարարել է, որ վրացական կողմը աջակցության վերաբերյալ լուրջ ուղերձներ է ստացել, հաղորդում է apsny.ge կայքը: Կվիրիկաշվիլին հանդիպել է նաև ԱՄՆ փոխնախագահ Մայքլ Փենսի հետ:
«Մենք հստակ երաշխիքներ ենք ստացել առ այն, որ ԱՄՆ-ի հետ հարաբերությունները կխորանան բոլոր ուղղություններով»,-ասել է Կվիրիկաշվիլին՝ անդրադառանալով Փենսի հետ հանդիպմանը:
Նրա խոսքով՝ Թրամփը ևս հստակ ազդանշաններ է տվել, որ աջակցում է Վրաստանին, ինչը հսկայական նշանակություն ունի երկրի ապագա զարգացման համար: «Եվ Միացյալ Նահանգները՝ որպես Վրաստանի կարևոր ռազմավարական գործընկեր, շարունակում է զգալի աջակցություն ցուցաբերել մեր երկրին, և այդ հարաբերությունները ապագայում կխորանան»,-ասել է Կվիրիկաշվիլին:
