Արգենտինացի հայտնի ֆուտբոլիստ Լիոնել Մեսիի նմանակին Իրանում կալանավորել են հասարակական կարգը խախտելու համար, հայտնում է The Telegraph-ը:
Ռեզա Փարաստեշը հանգստյան օրերին գտնվել է Համադան քաղաքում: Նրա հետ լուսանկարվել ցանկացողների քանակը այնքան մեծ է եղել, որ ոստիկանությունը ստիպված նրան կալանավորել է, իսկ նրա ավտոմեքենան կալանել, որպեսզի փողոցում վերականգնի հանգստությունը:
Փարաստեշը 25 տարեկան է և ուսանող: Մի քանի ամիս առաջ նա հայտնի է դարձել որպես «իրանական Մեսի», այն բանից հետո, երբ սպորտային կայքերից մեկին ուղարկել է «Բարսելոնայի» վերնաշապիկով իր լուսանկարը: Դրանից հետո նրան սկսել են հրավիրել հարցազրույցների և առաջարկել մի քանի մոդելային պայմանագրեր:
