ԵԽԽՎ գարնանային նստաշրջանը մեկնարկել է սկանդալով. կառույցի նախագահ Պեդրո Ագրամունտը խիստ քննադատությունների է ենթարկվել ռուս պատգամավորների ուղեկցությամբ Սիրիա այցելելու համար:
«Առաջին լրատվական»-ի հետ թեմայի շուրջ զրույցում անդրադառնալով հարցին, թե հաշվի առնելով այն հանգամանքը, որ Հայաստանը մշտապես այս բարձր ամբիոններից քվեարկություններ է անում հօգուտ Ռուսաստանի, արդյո՞ք այս սկանդալը մեր դիվանագիտությունը վերանայելու առիթ պետք է հանդիսանա, ԱԺ պատգամավոր Թևան Պողոսյանը նշեց, որ մեր դիվանագիտությունն այսպես թե այնպես պետք է վերանայվի այն առումով, որ մենք պետք է կարողանանք ավելի ու ավելի շատ մեր դիվանագիտությունն առաջ տանել:
«Բայց չմոռանանք, որ քվեարկությունների ժամանակ խնդիրներ են առաջանում, ԵԽԽՎ-ում կարողանում են դիվանագիտական առևտուր անել, որ իրար օժանդակեն և օգնեն: Եղել են դեպքեր, երբ որ քվեարկել ենք՝ առանց հասկանալու, թե հետո դա ինչպես պետք է ներկայացնենք:
Ինչ վերաբերում է Ագրամունտի հետ կապված խնդրին, հայկական պատվիրակության վերաբերմունքը կապված չէ Ռուսաստանի հետ, մեր պատվիրակությունը միշտ բարձրաձայնել է Ագրամունտի պրոադրբեջանական, պրոթուրքական դիրքորոշումների մասին»:
Թ. Պողոսյանի կարծիքով՝ ԵԽԽՎ-ում Հայաստանը պետք է հանդես գա բանակցային պաշարով, ոչ թե մտնի «բազարների» մեջ:
Մանրամասները` տեսանյութում:
