Հազարավոր բանտարկյալներ, որոնք գտնվում են Չինաստանի քրեակատարողական հիմնարկներում, ստիպված են օրը 24 ժամ խաղալ համակարգչային World Of Warcraft խաղը:
World Of Warcraft-ը և նմանատիպ խաղերը նրանք խաղում են ոչ թե իրենց հաճույքի համար, այլ բանտերի աշխատակիցների ստիպելով: Բանն այն է, որ այդ խաղերի համար ստացված միավորները հետագայում հնարավոր է վերածել գումարի, որն էլ բանտապանները վերցնում են իրենց: Իսկ բանտարկյալները մեկ լումա նույնիսկ չեն ստանում: Այս մասին գրում է The Guardian-ը, որին հարցազրույց է տվել չինական քրեակատարողական հիմնարկներից մեկի նախկին բանտարկյալը:
Նշվում է, որ օրը 12 ժամ բանտարկյալներն աշխատում են սովորական բանտային արտադրություններում, իսկ մյուս 12 ժամը` խաղ խաղալով: Սա թույլ է տալիս 300 բանտարկյալի «խաղացնելու» դեպքում օրական ստանալ 700-900 դոլար եկամուտ: Իսկ եթե նորման չի կատարվում, բանտարկյալները դաժան ծեծի են ենթարկվում:
