Հարավային Կորեայի Samsung Electronics ընկերությունը 2017 թվականի առաջին եռամսյակում մեկուկես անգամ ավելացրել Է զուտ շահույթը, ցուցանիշը ռեկորդային Է դարձել երեք տարվա ընթացքում, հաղորդում է Interfax-ը:
Ընկերության շահույթը հունվար – մարտին կազմել Է 7,68 տրիլիոն վոն (6,8 միլիարդ դոլար)՝ 2016 թվականի նույն ժամանահատվածի 5,25 տրիլիոն վոնի համեմատությամբ: Վերլուծաբանները, որոնց հարցում Է արել FactSet-ը, այս ցուցանիշն սպասում Էին 7,1 տրիլիոն վոնի նշագծին:
Գործառական շահույթը կտրուկ բարձրացել Է գրեթե 50 տոկոսով՝ մինչեւ 9,9 տրիլիոն վոն: Այս ուժեղ ցուցանիշները կարող են մասամբ փարատել ներդրողների մտահոգությունները, որոնք պայմանավորված են Galaxy S8 նոր առաջատար սմարթֆոնի հետ կապված խնդիրներով եւ Samsung-ի փաստացի ղեկավար Լի Ջեյոնին առաջադրված կոռուպցիայի մեղադրանքներով:
Նշվում Է, որ Samsung-ի գործառական շահույթի գրեթե երկու երրորդը բաժին Է ընկել միկրոչիպերի արտադրության ստորաբաժանմանը՝ 6,3 տրիլիոն վոն:
