«Թեստերում առաջադրանքների կառուցվածքային, բովանդակային որևէ փոփոխություն տեղի չի ունեցել»,- տեղեկացնում է ԳԹԿ մամուլի խոսնակ Գայանե Մանուկյանը։
Քանի որ այս տարի քննություն են հանձնում նախորդ տարիների շրջանավարտները, թեստերի առաջադրանքները կազմվել են այն ուղեցույցների հիման վրա, որոնք նախապես հաստատվել էին, այսինքն՝ 2010 թ. ուղեցույցների հիման վրա։
«Առաջին լրատվական»-ի հետ զրույցում Գայանե Մանուկյանը նշեց, որ թեստերը կազմող աշխատանքային խմբերին ԳԹԿ տնօրինության կողմից միայն հանձնարարվել է, որ դրական միավորի շեմը հաղթահարելու համար նախատեսված 35-40 առաջադրանքներն ավելի հեշտ հաղթահարելի լինեն, քան նախորդ տարիներին։