Հարավային Կորեան ավարտել է նոր կատարելագործված ռադարի մշակումը, որը կօգնի արդյունավետորեն պայքարել հյուսիսկորեական հրետանու և հրթիռային սպառալիքի դեմ։ Այն սպառազինության կազմ կներառվի արդեն 2018 թվականին։ Այս մասին հայտնում է TASS գործակալությունը։
Վերջին փորձարկումները ցույց են տվել, որ համակարգը հաղթահարում է իր վրա դրված բոլոր հանձնարարությունները և ճանաչվել է մարտական գործողությունների համար պիտանի։
Շարժական ռադարի մշակումը կատարվել է 6 տարվա ընթացքում, դրա վրա ծախսվել է մոտ 50 մլն դոլար։ Սկզբում այն կօգտագործվի շվեդական ARTHUR-K ռադարի հետ զուգահեռ, այնուհետև կփոխարինի դրան։
Նշվում է, որ ռազմական սահմանազատման գծի շրջանում, որն անցնում է Սեուլից 60 կմ հյուսիս, կենտրոնացած է հյուսիսկորեական հեռահար հրետանու հզոր խումբ։
