Հայաստանի բողոքական համայնքն` ընդդեմ երկրում այլասերվածությունների օրինականացման

Հայաստանի Ավետարանական Ընտանիքի Եկեղեցիների ծառայողական համաժողովը հանդես է եկել հայտարարությամբ՝ ընդդեմ Հայաստանում այլասերվածությունների օրինականացման և հանուն քրիստոնեական արժեհամակարգի պաշտպանության:

 1. Լուրջ մտահոգություն է հայտնում, որ` ա. ««Կանանց և տղամարդկանց հավասար իրավունքների և հավասար հնարավորությունների ապահովման մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապե¬տության օրենքի նախագծում (ներկայացված ՀՀ կառավարության կողմից`  ընդհանրապես հանվել է գենդերի սահմանումը: Դրանով իսկ տեղ է թողնվել հիշյալ օրենքի 4-րդ, 8-րդ, 18-րդ հոդվածներում ամրագրված միջազգային իրավունքի գերակայությանը, որի վտանգավորու¬թյան մասին արդեն խոսվել է ս.թ. հուլիսի 22-ի Հայաստանի Ավետարանական Ընտանիքի Եկեղեցիների հովիվների հայտարարության մեջ:

 բ. Այլասերվածությունները մեր հասարակական կյանքում ավերածություններ են անում` մտնելով հայ մշակույթ` – սեռական արատների մասին հեռուստատեսային «հումորային» հաղորդումների, – արյունապղծություն և մանկապղծություն քարոզող «գրական» գործերի, – հայկական կինոփառատոնի շրջանակում միասեռականություն քարոզող ֆիլմերի միջոցով (ի դեպ, դրանցից մեկը շարունակաբար ցուցադրվում է կինոթատրոններում): գ. Սեպտեմբերի 14-21-ին «Գենդերային հեռանկարները Եվրոպայում» ծրագրի շրջանակներում եվրոպական մի շարք երկրներից Հայաստան են ժամանելու տարբեր երիտասարդական կազմակերպությունների փորձագետներ, որոնց նպատակն է «համախմբել տարբեր եվրոպական և հայկական կազմակեր¬պությունների և նպաստել գենդերային հավասարության բնագավառում իրենց համագործակցության զարգացմանը»:

 Այն ֆինանսավորվում է «Եվրոպական Միության Եվրոպական Հանձնաժողովի «Երիտասարդությունը Շարժման Մեջ» ծրագրի կողմից» : Ի դեպ, հիշյալ շարժման ծրագրային նպատակներից մեկը սեռական կողմնորոշման խտրականության կանխումն է: 2.

 Հաստատելով, թե Նոր Կտակարանում համասեռամոլությունը դատապարտվում է որպես մեղք (Թուղթ Հռոմեացիներին 1.24-27: Ա Տիմոթեոս 1.9,10: Ա թուղթ Կորնթացիներին 6.9,10), մերժում է իրենց քրիստոնեական համարող «եկեղեցիների»` միասեռական «ամուսնություններն» ընդունելու դիրքորոշումը: Մինչդեռ Ճշմարիտ եկեղեցին այսօր էլ կոչված է մեղքի իշխանության տակ գտնվողներին բերել Քրիստոսին` ազատագրվելու, վերածնվելու և սրբացման կյանքով ապրելու (Ա թուղթ Կորնթացիներին 6.11: Եփեսացիներին 2.1-6: 4.21-24: Կողոսացիներին 3.5-10):

 3. Մի անգամ ևս դիմում է ` ա. Մեր հավատավոր հայրենակիցներին` բարձրացնելու քաղաքակրթության փրկության և քրիստոնեական արժեհամակարգի ջատագովության դրոշը.

 բ. Հայ հասարակայնության բոլոր խավերին` ըստ ամենայնի պաշտպանելու անցյալից ժառանգած մեր բարձրագույն արժեքները, միանալու այդ նպատակով նախաձեռնված ստորագրահավաքի շարժմանը.

 գ. Հայրենի իշխանություններին` օրենսդրական և գործադիր ոլորտ¬ներում, ինչպես նաև միջազգային ինտեգրման գործընթացում, հավատարիմ մնալու մեր ավանդական-հոգևոր արժեհամակարգին, Ազգային Ժողովում ընդունելու համասեռամոլության և մյուս այլասերվածությունների քարոզչության արգելման օրենք: Մեր ժողովրդի հոգևոր զարթոնքի և Հայաստան երկրի շինության համար առ Աստված աղոթքով և Հայաստանի Ավետարանական Ընտանիքի Եկեղեցիների ծառայողական համաժողովի անունից`

Վերապատվելի, դոկտ. Լևոն Պարտագճյան

 Եպիսկոպոս, վերապատվելի, դոկտ. Ռուբիկ Թումանյան

Վերապատվելի, դոկտ. Արթուր Սիմոնյան

 Վերապատվելի, դոկտ. Ռաֆայել Գրիգորյան

 Վերապատվելի Ռուբիկ Փահլևանյան Վերապատվելի, դոկտ. Սամվել Նավոյան