Սպառողների ազգային ասոցիացիայի նախագահ Արմեն Պողոսյանը մեզ հետ զրույցում նշեց, որ մեր սպառողական շուկայում գոյություն ունի քողարկված եկամուտ, որի միջոցով երկրում առկա մենաշնորհներն ու օլիգարխները փորձում են գրպանել ժողովրդի վերջին կոպեկը: Օրինակ՝ 1 կգ ալյուրը հացի տեսքով, ըստ նրա, մեզ վրա վաճառվում է երկու հազար դրամով, շաքարի քաշը անհամեմատ բարձրացվում է խոնավության միջոցով, կարագի զգալի զանգվածի փոխարեն սառույց ենք գնում, հավինն ու մսինը՝ նույնպես, և այսպես դեպի անվերջություն:
«Ստեղծված իրավիճակին վերջ դնելու համար պետք է սպառողներն իրենց բողոքի ձայնը տնից դուրս հանեն, ստիպեն, որ իրավասու գերատեսչություններն ավելի արդյունավետ գործեն: Հակառակ դեպքում մենք նույն ապրանքի դիմաց վճարում ենք կրկնակի»,- առաջարկեց Արմեն Պողոսյանը: