Լուրերն այն մասին, թե Վալերի Լեոնտևը նմանակ ունի, արդեն մեկ շաբաթից ավել պտտվում են Ղրիմում: Լուրերը թեժացել են «Մանկական Նոր ալիքում» երգչի ելույթից հետո: Պաշտոնական ծրագրում Լեոնտևը նշված չէր և բեմ դուրս չի եկել: Սակայն հեռուստատարբերակում արտիստը բեմում է հայտնվում:
Արտիստի խմբի մասնակիցները պատմել են, որ Լեոնտևի մասնակցությամբ համարները գիշերներն են տեսագրվել, երբ հանդիսատես չի եղել: Նա մարզադաշտում նկարահանվել է գիշերվա ժամը մեկին: Դրա պատճառը ժամանակի սղությունն է, քանի որ Ղրիմում երգիչը գրեթե ամեն օր համերգներ ունի:
Մինչդեռ նմանակի մասին լուրերը հասել են նույնիսկ երգչին: Դիվնոմորսկում տված համերգի ժամանակ, իջնելով բեմից, նա հանդիսատեսին առաջարկել է հպվել իրեն:
«Երևի ամբողջ երեկոյի ընթացքում մտածել եք՝ արդյոք նա՞ է, թե՞ նմանակը: Ինչպե՞ս է: Իսկակա՞ն եմ»,-ծիծաղել է նա և բեմ է վերադարձել:
