Սպիտակ տան պաշտոնական ներկայացուցիչ Շոն Սփայսերը հայտարարել է, որ Սիրիայի հարցով ՄԱԿ ԱԽ բանաձևի նախագծի շուրջ քվեարկության ժամանակ Չինաստանի՝ ձեռնպահ մնալու որոշումը հանդիսանում է ԱՄՆ նախագահ Դոնալդ Թրամփի «վիթխարի դիվանագիտական հաղթանակ»։ Այս մասին նա հայտարարել է Fox News-ի եթերում։
«Պեկինի աջակցության ստացումը վիթխարի դիվանագիտական հաղթանակ է այս նախագահի և երկրի համար»,-ասել է Սփայսերը։
Նա հիշեցրել է Չինաստանի նախագահ Սի Ցզինպինի հետ Թրամփի՝ վերջերս կայացած հանդիպման մասին՝ հայտարարելով, որ դա թույլ է տվել վերականգնել հարաբերությունները Չինաստանի և ԱՄՆ-ի միջև։
Սփայսերը մեկնաբանել է նաև այդ բանաձևն արգելափակելու ՌԴ-ի որոշումը։
«Ռուսաստանը մեկուսացված է նրանում, ինչ վերաբերվում է Սիրիային։ Սիրիան շրջապատված է իրեն աջակցող երկրների շատ փոքր խմբով, որոնց մեծ մասը, բացառությամբ Ռուսաստանի, հանդիսանում են անհաջողակ պետություններ»,-ասել է նա։
