Հարյուրավոր ուղևորներ, որոնք նախատեսում են թռչել Մեքսիկայի մայրաքաղաք Մեխիկոյի Բենիտո Խուարեսի անվան օդանավակայանից, կարող են ուշանալ չվերթներից, քանի որ կրթության ոլորտի աշխատակիցները փակել են օդանավակայանի մուտքերը:
Իշխանությունների տեղեկատվության համաձայն` ակցիային մասնակցում է շուրջ 800 մարդ, նրանց հաջողվել է կանգնեցնել երկու մայրուղիների երթևեկությունը, որոնք քաղաքը կապում են օդանավակայանի հետ:
Այժմ շատ ուղևորներ ստիպված են տերմինալներ հասնել ոտքով: Փակ են նաև մետրոյի մոտակա կայարանները: Միևնույն ժամանակ ակցիայի մասնակիցները կոտրել են մետաղական պատնեշները, որոնք բաժանում են քաղաքի խոշորագույն մայրուղու երթևեկությունը, հաղորդում է RIA Novosti-ն:
Ուսուցիչների բողոքի ակցիաները Մեքսիկայում շարունակվում են վերջին մի քանի շաբաթներին:
