Ինդոնեզիայում կայանալիք «Միսս աշխարհ 2013» մրցույթի կազմակերպիչները վստահեցրել են, որ միջոցառումը կկայանա՝ չնայած տեղի մուսուլմանների բողոքի ակցիաներին: Հարկ է նշել, որ աղջիկների գեղեցկության ստուգատեսի մեկնարկից մի քանի օր առաջ իսլամիստների զանգվածային ցույցեր են սկսվել երկրով մեկ: Հարյուրավոր ցուցարարներ դուրս են եկել ինդոնեզական քաղաքների փողոցներ՝ գրում է Jakarta Globe-ը: Երեկ բողոքի մասշտաբային ակցիա է անցկացվել մայրաքաղաք Ջակարտայում:
Ցուցարարները կարծում են, որ գեղեցկության մրցույթը խախտում է երկրում ընդունված բարոյականության նորմերը: Երկրի բնակչության մեծ մասն իսլամ է դավանում: Ցուցարարները պահանջել են մրցույթով չպղծել Ինդոնեզիան:
Հոգևոր առաջնորդները, ինչպես նաև մի շարք ինդոնեզացի նախարարներ նույնպես քննադատությամբ են հանդես եկել մրցույթի հասցեին: Կազմակերպիչները փորձել են այն հնարավորինս հարմարեցնել տեղի նորմերին: Նրանք չեղյալ են հայտարարել բիկինիով ու լողազգեստով քայլերթները:
