Ռուսաստանը և Թուրքիան բանակցություններ են վարում Թուրքիա С-400 «Տրիումֆ» զենիթահրթիռային համակարգեր մատակարարոելու վերաբերյալ, հաղորդում է RIA Novosti-ն:
Ներկայում աշխատանքներ են տարվում համագործակցության պայմանագիր կազմելու համար:
Ռուսաստանի ռազմա-տեխնիկական համագործակցության համակարգի աշխատակցի փոխանցմամբ` որոշումը կայացվել է ՌԴ և Թուրքիայի նախագահների հանդիպման ժամանակ և դրա շուրջ ակտիվ բանակցություններ են ընթանում նախորդ տարվա դեկտեմբերից սկսած:
Ռուսական կողմից բանակցությունները ՌԴ պաշտպանության նախարարության աջակցությամբ վարում են Ռոսոբոռոնեկսպորտը և դաշնային ծառայությունը:
Թուրքիայի և ՌԴ-ի միջև C-400 «Տրիումֆ» զենիթահրթիռային համալիրի մատակարարման շուրջ հաջորդ բանակցությունները տեղի են ունենալու 2017-ի մայիսին Ստամբուլում:
