Մոսկվան կշարունակի իրականացնել հրթիռային զորքերի տեղաշարժը Ռուսաստանի ռազմական ուժերի մարտական պատրաստության պլանի շրջանակներում, այդ թվում նաև Կալինինգրադի մարզում: Այդ մասին հայտնում է ՌԴ ԱԳՆ-ի կայքը:
Արտգործնախարարությունում ընդգծել են, որ նման գործունեությունը չի հակասում միջազգային իրավունքի նորմերին, քանի որ իրականացվում է Ռուսաստանի տարածքում:
«Ինչ վերաբերվում է բջջային հրթիռային «Իսկանդեր» համալիրների տեղաբաշխմանը Կալինինգրադի մարզում, ապա կուզեինք կրկին ուշադրություն հրավիրել այն բանի վրա, որ ռուսական կողմը երբեք չի թաքցրել, որ նման ռազմական միջոցառումներ իրականացվում են: Հրթիռային զորամիավորումները բազմիցս տեղաշարժվել են ՌԴ զինված ուժերի ռազմական պատրաստության շրջանակներում, այդ թվում՝ Կալինինգրադի մարզում: Դա տեղի է ունենում ռուսական տարածքում, չի հակասում որևէ միջազգային համաձայնությունների կամ պայմանագրերի»,- ասված է ԱԳՆ-ի պատասխան կոմյունիկեում ՆԱՏՕ-ի գլխավոր քարտուղարի տեղակալ Ռոուզ Գետեմյուլերի հարցազրույցին:
