«Մեդիա կենտրոնում» հրավիրված քննարկման ժամանակ, անդրադառնալով նախօրեին տեղի ունեցած խորհրդարանական ընտրությունների ընթացքում արձանագրված խախտումներին, «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը նշեց, որ թեև խախտումների մի մասը եղել է ընթացակարգային, կրկնաքվեարկության կամ այլ անձի փոխարեն քվեարկության թիվը նվազել է, բայց, միևնույն է, ընտրախախտումներ են եղել, որոնք ազդեցություն ունեցել են ընտրությունների արդյունքների վրա:
Նրա խոսքով՝ տեղամասերում լուրջ խնդիրներ են եղել կարգուկանոնի հետ կապված. «Տեղամասերի 20 տոկոսում տևական ժամանակ գտնվել են տեղամասում գտնվելու իրավունք չունեցող մարդիկ: Նրանք տեսել են, թե ով եկավ, ոչ չեկավ, որ աշխատեն չեկածների վրա: Տեղամասերի 38 տոկոսում արձանագրվել է վիճաբանություն և ծեծկռտուք, 25 տոկոսում իշխանությունն ավելի շատ պատկանում էր ոչ թե հանձնաժողովի նախագահին, այլ վստահված անձանց»:
Մանրամասները՝ տեսանյութում:
