РИА Новости-ի փոխանցմամբ, ԱՄՆ Պետդեպարտամենտի ներկայացուցիչ Մարկ Թոները հայտարարել է, որ վրացական իշխանությունները պարտավոր են հետաքննել մայիսի 25-ի լույս 26-ի գիշերը Թբիլիսիում ընդդիմության ցույցի ցրման ժամանակ մարդկանց զոհվելու հանգամանքները.
«Մենք իրազեկված ենք վրացական ընդդիմության բողոքի ակցիաների մասին։ Այդպիսի դեպքերում մենք մշտապես ասում ենք, որ Վրաստանի, ինչպես նաև յուրաքանչյուր այլ երկրի քաղաքացի իրավունք ունի ազատորեն արտահայտելու իր կարծիքը։ Մենք Վրաստանի կառավարությանը կոչ ենք անում հետաքննել վերջին օրերի միջադեպերը, որոնց արդյունքում մարդիկ են զոհվել»։
Հիշեցնենք, որ վրացական լրատվամիջոցների համաձայն՝ բողոքի ակցիայի մասնակիցներից 46-ի ճակատագիրը դեռևս անհայտ է մնում։
