«Հայկական վերածնունդ» կուսակցության նախագահ Արթուր Բաղդասարյանը, այսօր՝ ապրիլի 2–ին, 9/49 տեղամասում մասնակցեց ԱԺ ընտրությունների քվեարկությանը:
«Քվեարկեցի Հայաստանի վերածննդի համար, քվեարկեցի այս վիճակից մեր ժողովրդի դուրս գալու համար, քվեարկեցի, որ 21-րդ դարում մենք ունենանք ուժեղ, մրցունակ, կազմակերպված պետություն, բարեկեցիկ ժողովուրդ և վստահությամբ իր ապագային նայող ազգ ու հասարակություն»,- լրագրողների հետ զրույցում ասաց Ա. Բաղդասարյանը։
Նա նշեց, որ իրենք մի քանի ահազանգ են ստացել սարքերի և տեսախցիկների վատ աշխատելու հետ կապված, սակայն դրանք փոքր եւ լուծվող խնդիրներ են։
Անդրադառնալով ընտրական նոր գործընթացին` նա նշեց, որ պրոցեսը բավական բարդ էր, բայց դրանք լավ նորամուծություններ են, որոնք «պետք է իրենց բարի պտուղը տան»։
