Ինչպես գրում է բրիտանական The Sun-ը, Կալիֆոռնիայի դատախազությունը քննություն է սկսել Շվարցենեգերին ուղղված մի շարք մեղադրանքների հարցով:
Նախկին նահանգապետին մեղադրում են նրանում, որ նա օգտագործել է իր աշխատակիցներին՝ հետքերը մաքրելու համար: Օրինակ՝ նախկին ոստիկան Ուիլյամ Թեյլորը, որը հիմա Sacramento Hyatt Regency հյուրանոցի անվտանգության ծառայության ղեկավարն է, ասել է, որ նահանգապետ եղած ժամանակ Շվարցենեգերն օգտվել է պահակապարեկային ծառայության աշխատակիցների ծառայությունից՝ իր «կանանց» հյուրանոցի համար հասցնելու համար:
Թեյլորն ասել է, որ առնվազն երեք դեպք է եղել, երբ Շվարցենեգերը հյուրանոց է եկել միայնակ, հետո նրա հետևից եկել են բարձրաստիճան պաշտոնյաների պահակային խմբի աշխատակիցներն՝ աղջիկների հետ: Նրանք արագ այդ կանանց սև մուտքով անցկացրել են հյուրանոցի սենյակ, որտեղ գտնվում էր Շվարցենեգերը:
Նախկին ոստիկանն ասել է, որ այդ կանանց տարիքը տատանվել է 18-25 տարեկանի միջև, որոնք եղել են շիկահեր, ակումբային զգեստներով, իսկ ոմանց վրա գրեթե զգեստ չի եղել: Թեյլորն ավելացրել է, որ բոլորը լռում էին դրա մասին, քանի որ վախենում էին աշխատանքից հեռացվելուց:
Հիշեցնենք, որ անցած ամիս Շվարցենեգերն ու կինը հայտարարել են ամուսնալուծության մասին, սակայն բուն պատճառների մասին չի նշվել: Բացի այդ Շվարցենեգերի անվան հետ կապված նշվել է, որ նա կնոջը դավաճանել է իրենց տան սպասուհու հետ, որից երեխա ունի:
