Փոքր ՀԷԿ-երը համարվում են էլեկտրաէներգիայի արտադրման՝ բնական միջավայրի վրա ավելի քիչ ազդեցություն ունեցող միջոցներ: Սակայն Հայաստանում փոքր ՀԷԿ-երի վերաբերյալ օրենսդրական որոշումներն այնպիսի տրամաբանությամբ են ընդունված, որ էկոլոգիական հիմք չունեն, նույնիսկ հակաէկոլոգիական են: Այս մասին «Առաջին լրատվական»- ի հետ զրույցում ասաց «Հայկական բնապահպանական ճակատ» նախաձեռնող խմբի անդամ Լևոն Գալստյանը:
«Կառավարության 2011թ-ի որոշումով կա հաշվարկի մեթոդիկա, որի համաձայն որոշվում է, թե գետում պարտադիր ինչ քանակությամբ ջուր պետք է թողնել, իսկ մնացածը կարելի է օգտագործել տարբեր նպատակներով: Համաձայն այդ որոշման՝ գետում կարելի է թողնել նվազագույն քանակի ջուր: Դա նույնն է, եթե որոշվի, որ քանի որ մարդը կարող է 10 օր առանց հաց ուտելու ապրել, ամբողջ կյանքի ընթացքում նրան ուտելու բան չտալ: Գետային էկոհամակարգը՝ իր կենսաբազմազանությամբ, այդպիսի սթրեսային իրավիճակում գտնվելով, ի չիք կարող է դառնալ միայն նրա համար, որ այդ գետի ջրերն օգտագործվեն էներգետիկ նպատակներով»,- նշեց Լևոն Գալստյանը:
Նրա կարծիքով՝ կառավարության այս որոշումը հակաէկոլոգիական է, և այսօրվա դությամբ՝ ոչնչացվում է գետային համակարգերը: Նրա խոսքով՝ անհրաժեշտ է առաջին հերթին յուրաքանչյուր գետի համար առանձին որոշում կայացնել՝ հաշվի առնելով գետի մորֆոլոգիական, հիդրոկենսաբանական, կենսաքիմիական և այլ պայմանները:
Մանրամասները՝ տեսանյութում: