ABC Television Group-ի նախագահ Էնն Սուինին ստացել է «զվարճանքների ինդուստրիայում ամենահզոր կնոջ» տիտղոսը: Այս մասին հաղորդում է Success-ը:
Էնն Սունին ծնվել է 1958-ի նոյմեբերի 4-ին: Նա ավարտել է դպրոցը, New Rochelle քոլեջը, իսկ ավելի ուշ` Հարվարդի համալսարանում ստացել է մագիստրոսի կոչում:
Էննը սկզբում համալսարանում մանկավարժության պրակտիկա է անցել, սակայն շուտով իր համար հետաքրքրության նոր ոլորտ է գտել. «Ես տեսա մեր թիմի անդամներից մեկին, ում մոտ ABC-ի տարբերանշանը նկատեցի: Ես հարցրեցի՝ կոնկրետ ինչով է նա այնտեղ զբաղվում, և նա ասաց, որ օգնական է աշխատում: Ինձ գումար էր անհրաժեշտ, և ես ևս գնացի այնտեղ՝ աշխատելու»:
Այսպես է սկսվել Էննի կարիերան։ Նա հետագայում տեղափոխվել է Nickelodeon մանկական հեռուստաալիք:
Այնուհետև Էննը աշխատել է FX Networks Inc ընկերությունում, որտեղ նրա ղեկավարման ընթացքում հիմնադրվել է FX Entertainment կաբելային ցանցը: Դրանից հետո Սուինին միացել է Walt Disney Company-ին, որտեղ նա գործի է գցել 2 նոր շուրջօրյա հեռուստաալիքներ: Դրանցից մեկով մանկական հեռուստածրագրեր էին ցուցադրվում, մյուսով՝ հեռուստասերիալներ:
Հենց Էնն Սուինիին ենք մենք պարտական այնպիսի հեռուստասերիալներով, ինչպիսին են «Հուսահատ տնային տնտեսուհիները», «Կենդանի մնալ»-ը, «Կրքի անատոմիան» և «Նեշվիլը»։