Վերջին օրերին վրացական ընդդիմության կազմակերպած հանրահավաքներն արդեն մեծ թափ են ստացել, և դրանց անգամ միջամտել են իշխանությունները:
Վրաց փորձագետ Տորնիկե Շարաշենիձեի գնահատմամբ, այս ամենում իր անմիջական մասնակցությունն ունի Ռուսաստանը: «Առաջին լրատվականի» հետ զրույցում Շարաշենիձեն նկատեց, որ ընդդիմության հանրահավաքների նպատակն է Վրաստանում հեղափոխություն անել, իսկ Վրաստանում անհավասարակշռության հաստատումը բխում է Ռուսաստանի շահերից. «Եվ երկրորդ՝ որտեղի՞ց մարգինալ քաղաքական ուժերին փող հանրահավաք իրականացնելու, մասնակիցներին փող բաժանելու համար, կրկին պարզ է, որ այստեղ ֆինանսների միակ աղբյուրը Ռուսաստանն է»:
Շարաշենիձեն նշեց, որ Ռուսաստանի մասնակցությունը Վրաստանում սկսված ընդդիմադիր գործընթացներին կապացուցվի օպերատիվ նյութերի ուսումնասիրության արդյունքում, որոնք արդեն հրապարակվում են:
Փորձագետը նկատեց, որ առնվազն անհասկանալի է, թե Ռուսաստանը և վրացական ընդդիմությունը ինչ հույսով են նման գործողություններ անում. «Հեղափոխությունը մենք արդեն անցել ենք, և բոլորն արդեն հասունացել են նման գործողություններին հավատալու և հետևելու համար»:
Այդուամենայնիվ, ըստ վրաց փորձագետի, անգամ եթե հեղափոխությունը չստացվի, ապա Վրաստանի վարկի վրա այս գործընթացներն ազդելու են, քանզի գործընթացին միջամտել է ոստիկանությունը. «Սա, իհարկե, Ռուսաստանի համար էլի որոշակի արդյունք է»: