Ֆրանսիայի նախագահի թեկնածու, նախկին վարչապետ Ֆրանսուա Ֆիյոնի տանը մարտի 2-ին խուզարկություններ են կատարվել։ Այս մասին հայտնում է Le Parisien-ը՝ հղում անելով իր աղբյուրներին։ Ֆիյոնի տունը գտնվում է Փարիզի 7-րդ շրջանում։
Պարբերականի տեղեկություններով՝ քննչական գործողությունները կատարվել են Կոռուպցիայի, ֆինանսական և հարկային հանցագործությունների դեմ պայքարի կենտրոնական վարչության աշխատակիցները։ Ֆիյոնի շրջապատում հաստատել են խուզարկությունների փաստը՝ նշելով, որ դրանք արդեն ավարտվել են։ Նրանք հրաժարվել են այլ մեկնաբանություններից։
Մարտի 1-ին Ֆիյոնը հայտարարել էր պետության ղեկավարի պաշտոնի համար պայքարը շարունակելու մտադրության մասին՝ չնայած կնոջ պետական կեղծ աշխատանքի գործով հետաքննությանը։ Միևնույն ժամանակ նա հաստատել է, որ մարտի 15-ին դատարան ներկայանալու ծանուցում է ստացել, որտեղ նրա դեմ կարող են մեղադրանքներ առաջադրվել։
Ֆիյոնի և նրա կնոջ՝ Պենելոպայի դեմ գործը բացել էր Ֆրանսիայի ֆինանսական դատախազությունը փետրվարի 24-ին։
