«Համաներման ակտը ունի մի խնդիր՝ դուր գալ միջազգային հանրությանը. իրենք փող են տվել Հայաստանին, ու հիմա ամեն ինչ պիտի անեն, որ այդ փողը ետ գա: Ուրիշ բան այս իշխանություններին չի հետաքրքրում, միայն ու միայն իշխանություն պահելն ու փող ստանալը. Իրենց դրսից են հորդորել լիցքաթափվել, որովհետև ի վերջո այս վիճակը բերելու է քաղաքացիական բունտի»,- համոզված է Հելսինկյան ասոցիացիայի նախագահ Միքայել Դանիելյանը:
Լրագրողների հարցադրմանը, թե ասվածն արդյոք նշանակո՞ւմ է, որ այն ձևակերպումը, թե իշխանությունները ընդառաջ են գնում ՀԱԿ պահանջին՝ ազատ արձակել քաղբանտարկյալներին, այլևս ժամանակավրեպ է, և իրականում միջազգային ճնշումն է ստիպում նման քայլի գնալ, ՄիքայելԴանիելյանը արձագանքեց. «Ո՛չ, միջազգային ճնշումը չէր լինի, եթե չլիներ ներսի այդ ճնշումը: Միջազգային հանրությունը տեսնում է, որ կա զանգվածային բողոք, և սկսում է այլ ձևով մոտենալ խնդիրներին»:
