«Դուք էներգետիկայի նախարարությունում մի քանի ամիս աշխատել եք, գոնե հասցրեցի՞ք տեսնել, թե Էներգետիկ համակարգում ինչ կոռումպացված, փչացած վիճակ է. դուք ունե՞ք քաղաքական կամք, համարձակություն քայլեր ձեռնարկել և ինչ-որ բաներ կարգավորել»,- ԱԺ-ում այսօր դիմելով ՎՊ նախագահ Լևոն Յոլյանին՝ ասաց ՀԱԿ խմբակցության քարտուղար Արամ Մանուկյանը:
«Իմ առջև երբեք տաբուներ չեն եղել ու չեն լինի: Երբ ես էներգետիկայի նախարարի պաշտոնում էի նշանակվել, ինձանից պահանջում էին նախորդ նախարարների աշխատանքի վերլուծություն ներկայացնել, սակայն ես ասել եմ, ո ր չեմ պատրաստվում հետ նայել, այլ միայն առաջ կնայեմ ու կզբաղվեմ իմ գործով: Ես ասել եմ, որ չեմ կարողանա արդյունավետ աշխատել, խնդիրներ լուծել, եթե սկսեմ վերլուծել նախորդների աշխատանքը: Նույն մոտեցումն էլ վերահսկիչ պալատի նախագահի պաշտոնում եմ որդեգրելու: Գտնում եմ, որ մարդը պետք է միշտ առաջ նայի և փորձի վեր հանել առկա խնդիրներն ու դրանց լուծման արդյունավետ մեթոդներ ներկայացնի»,-պատասխանեց Լ. Յոլյանը:
Մանրամասները՝ տեսանյութում:
