«Ազգային ճակատ» կուսակցության առաջնորդ Մարին Լե Պենը կհաղթի Ֆրանսիայի նախագահի ընտությունների առաջին փուլում, բայց պետության ղեկավար չի դառնա: Այս մասին հայտնում է RIA Novosti-ն՝ վկայակոչելով OpinionWay ընկերության հարցման արդյունքները:
Հարցման տվյալներով՝ առաջին փուլում հօգուտ Լե Պենի պատրաստ է քվեարկել հարցվածների 26%-ը, էկոնոմիկայի նախկին նախարար Մակրոնի օգտին՝ 22%-ը, նախկին վարչապետ Ֆրանսուա Ֆիյոնի օգտին՝ 21%-ը:
Հարցումը նաև ներկայացնում է նախագահական ընտրությունների երկրորդ փուլի զարգացման երկու տարբերակ: Առաջին դեպքում Լե Պենը կհանդիպի Մակրոնի հետ և կպարտվի նրան՝ հավաքելով ձաների 40%-ը:
Ընտրությունների երկրորդ փուլի զարգացման երկրորդ տարբերակը ենթադրում է Լե Պենի և Ֆիյոնի հանդիպում, որի դեպքում նույնպես «Ազգային ճակատի» թեկնածուն կպարտվի՝ ստանալով քվեների 42%-ը:
Հարցումը, որին 18 տարեկանից մեծ 1615 մարդ է մասնակցել, անցկացվել է փետրվարի 20-22-ին:
Ֆրանսիայի նախագահի ընտրությունները տեղի կունենան երկու փուլով՝ ապրիլի 23-ին և մայիսի 7-ին:
