Համազեկուցողները հայտարարել են, որ համաներման շնորհիվ բոլոր այն անձինք, ովքեր ազատազրկված էին 2008 թվականի մարտի 1-2-ի իրադարձությունների հետեւանքով, ազատ կարձակվեն:
«Այդ անձանց ազատումը եւ 2008 թվականի մարտի իրադարձությունների հետեւանքով 10 մարդու մահվան պատճառների հետաքննության վերսկսումը կվերացնեն քաղաքական կլիմայի կարգավորման, ինչպես նաեւ` իշխանությունների եւ ընդդիմության միջեւ կառուցողական երկխոսություն սկսելու խոչընդոտները: Սա բավականին մեծ դրական զարգացում է Հայաստանի համար»,- հայտնել են ԵԽԽՎ համազեկուցողները:
Նրանք նաեւ նշել են, որ ոգեշնչված են Լեւոն Տեր-Պետրոսյանի վերջին հայտարարություններով, որոնցով նա իշխանությունների հետ երկխոսություն հաստատելու հստակ պատրաստակամություն է հայտնել:
Զեկույցը պատրաստելու նպատակով այս ամռանը Ջոն Պրեսկոտն ու Ալեքս Ֆիշերը մտադիր են այցելել Հայաստան: Նրանք զեկույցը կներկայացնեն համաժողովին 2011 թվականի հոկտեմբերին:
