Վարչապետ Կարեն Կարապետյանը օրերս կառավարությունում հանդիպել է Հայաստանի ներգնա տուրօպերատորների միության անդամների և զբոսաշրջային գործակալությունների ներկայացուցիչների հետ, քննարկվել են տուրիզմի բնագավառի զարգացմանն ուղղված հարցեր ու խնդիրներ:
Հայաստանի ներգնա տուրօպերատորների միության տնօրեն Կարինե Դանիելյանը «Առաջին լրատվական»-ի հետ զրույցում նշեց, որ վարչապետի հետ հանդիպմանը բարձրացրած մի շարք կարևոր հարցերի թվում էր նաև ավելացված արժեքի հարկի վերբերյալ խնդիրը:
«Հարկային նոր օրենսգրքում մի դրույթ կա, որի համաձայն՝ ներգնա տուրիզմի փաթեթներիի վրա ավելանում է ԱԱՀ-ն, որը խոչընդոտելու է տուրիզմի զարգացումը: Դա կիրառվելու է 2018-ից, սակայն այսօր արդեն մենք անհանգսացած ենք այդ առումով: Առանց այն էլ մենք չենք կարողանում դիմանալ տարածաշրջանում տուրիզմի ոլորտի մրցակցությանը»,- նշեց Կ. Դանիելյանը:
Նա նաև մտահոգություն արտահայտեց այն առնչությամբ, որ ոչ միայն զբոսաշրջության համար պետբյուջեից հատկացումները քիչ են, այլ ավելին՝ այս տարի կրճատվել են:
Մանրամասները՝ տեսանյութում:
