Քիմիական զենքի հարցով ՄԱԿ-ի փորձագետները Դամասկոսի մոտ քիմիական զենքի ենթադրյալ հարձակման վայրում աշխատանքները հետաձգել են մինչև չորեքշաբթի: Այս մասին հաղորդում է Reuters-ը՝ վկայակոչելով Սիրիայի ԱԳՆ հայտարարությունը:
Ավելի վաղ հաղորդվել էր այն մասին, որ փորձագետներն աշխատանքը վերսկսելու են երեքշաբթի:
Հիշեցնենք, որ երկուշաբթի դիպուկահարները կրակ էին բացել ՄԱԿ-ի տեսուչների խմբի վրա: Պատահարի հետևանքով տուժածներ չկան: Նշանակման վայր հասնելով՝ փորձագետները շփվել են ենթադրյալ քիմիական հարձակումից տուժածների հետ և նյութեր են հավաքել անալիզների համար:
Սիրիայի իշխանությունների ներկայացուցիչները հայտարարել են, որ կրակոցների համար պետք է մեղադրել ընդդիմության գրոհայիններին, վերջիններս իրենց հերթին պատասխանատվությունը դրել են կառավարական զորքերի վրա:
