ՀՀ մշակույթի նախարար Հասմիկ ՊողոսյանÇ առաջարկով այսօր կառավարության նիստում հաստատվեց մի նախագիծ, որով 25 մլն դրամ է նախատեսված «XXI-ի հեռանկարներ» 12-րդ միջազգային դասական երաժշտական փառատոնի 2011 թվականի համերգաշարի կազմակերպմանն աջակցելու նպատակով։
«Արդեն մի քանի տարի է, ինչ այս փառատոնը հովանավորվում է կառավարության կողմից և կարծում եմ, որ ինքը արդարացրել է իրեն տարիների ընթացքում։ Համաշխարհային ամենահռչակավոր կատարողները ներկայանում են հանրապետություն տարբեր ծրագրերով»,- ասաց Հ. Պողոսյանը։
«2011թ. պետական բյուջեով 3 մլն դրամ էր նախատեսված այս նպատակի համար, հիմա այս 3 մլն-ը ներառվա՞ծ է այդ 25 մլն-ի մեջ»,- հարցրեց Ֆինանսների փոխնախարար Պավել Սաֆարյանը. «Ոչ, 3 մլն-ը մենք արդեն տրամադրել ենք իրենց, սա հավելյալ 25 մլն է»,- պատասխանեց Հ. Պողոսյանը։
