Կանադայի Վանկուվեր քաղաքում բնակվող բելգիացի Հերբերթ Բոսարթսը արդեն 6 ամիս է՝ տնից դուրս է գալիս միայն տիեզերագնացի հագուստով:
Նա այդ հագուստով է լինում աշխատավայրում, խանութում, փողոցում և նույնիսկ լողափին:
«Աշխատավայրում ես հանում եմ սաղավարտս: Ես չեմ կրել տիեզերագնացի հագուստ, երբ 3 շաբաթով Բելգիայում էի»,- ասել է Բոսարթսը:
Այդ կերպ բելգիացին փորձում է իր վրա հրավիրել ուշադրությունը, որպեսզի բավարար չափով ձայներ հավաքի համացանցային մրցույթում հաղթելու համար, որտեղ 2 գլխավոր մրցանակները տիեզերական թռիչքին մասնակցելն է:
Հավաքած ձայների քանակով նա առայժմ 22-րդ տեղն է զբաղեցնում՝ հաղորդում է Interfax-ը:
