«Հրապարակ» օրաթերթն այսօրվա համարում գրում է, որ Կոմիտաս 5 հասցեում բարձրահարկի կառուցման պատմությունը հին է՝ առնվազն 4-5 տարվա:
Չգիտես ինչու, մայրաքաղաքի տարբեր հատվածները հեշտությամբ օլիգարխներին ու բարբարոս կառուցապատողներին զիջած մեր հանրությունն այս մի շենքի պարագայում շատ հետևողական գտնվեց:
Ամեն անգամ, երբ այստեղ փորձել են շինարարությունը սկսել, աղմուկ է բարձրացել: Պայքարի արդյունքում բնակիչները հասել են այն բանին, որ հարկայնությունը 14-ից նվազեցվել է 7-ի, ենթակայանը տեղափոխվել է, նախագիծը՝ փոխվել, բայց պայքարը շարունակվում է: Բնակիչների աղմուկից սարսափող Տարոն Մարգարյանն ընդհանրապես կարգելեր շինարարությունը, եթե կառուցապատողն անձամբ Սերժ Սարգսյանի թույլտվությունն ստացած չլիներ:
