Մեծ Բրիտանիան հավելյալ ռազմական ինքնաթիռներ է ուղարկում Կիպրոսում գտնվող իր ավիաբազա, որը գտնվում է Սիրիայի ափից 160 կմ հեռավորության վրա: Այս մասին գրում է The Guardian-ը՝ հղում անելով ականատեսներին:
Քաղավիացիայի միանգամից երկու օդաչուներ պարբերականին պատմել են, որ վերջին օրը տեսել են Կիպրոս թռչող բրիտանական օդուժի մի քանի C-130 տրանսպորտային ինքնաթիռներ, ինչպես նաև Եվրոպայից դեպի կղզի ուղևորվող մի խումբ կործանիչներ:
Բացի այդ, «Ակրոտիրի» բազայի մոտ բնակվող մարդիկ հայտնել են, որ օգոստոսի 25-ից սկսած այնտեղ ակտիվության աճ է նկատվում:
Թերթը ենթադրում է, որ 1960 թվականից Մեծ Բրիտանիային պատկանող բազան կդառնա Սիրիայի դեմ ռազմական օպերացիայի հիմնական տրանսպորտային հանգույց: Որպես այդպիսին բազան օգտագործվել է 2011-ին Լիբիայում ռազմական օպերացիայի անցկացման ժամանակ:
