Ադրբեջանական APA լրատվական գործակալության փոխանցմամբ, ԱՄՆ թուրքական ու ադրբեջանական համայնքները կոնգրեսականներին կոչ են արել 2012 թվականին կասեցնել Լեռնային Ղարաբաղին ցուցաբերվող ֆինանսական օգնությունը:
Թուրք-ադրբեջանական կողմը խնդրել է նաև կրճատել Հայաստանին տրվող ֆինանսական օգնությունը` դա «պատճառաբանելով» նրանով, որ չնայած ամերիկյան օգնությանը` Հայաստանում տարեցտարի «վատթարանում» է իրավիճակը մարդու իրավունքների ու ժողովրդավարության ոլորտներում:
Հիշեցնենք, որ մայիսի 20-ին հայամետ կոնգրեսական Ֆրենկ Պալոնեն 28 հայամետ կոնգրեսականների հետ միասին նամակ է հղել իր գործընկերներին` կոչ անելով աջակցել Հայաստանին և Լեռնային Ղարաբաղին օգնություն ցուցաբերելուն:
Պալոնեի «Թանկագին գործընկեր» խորագրով նամակում առաջարկվում է Հայաստանին ցուցաբերել 60 միլիոն դոլարի, իսկ Ղարաբաղին` 10 միլիոն դոլարի աջակցություն: