Կանադան մտադիր է մինչ 2030 թվականն իր աստղագնացին Լուսին ուղարկել: Այս մասին լրագրողներին հայտնել է Կանադայի տիեզարական գործակալության Տիեզերական հետազոտությունների բաժնի տնօրեն Ժան-Կլոդ Պիեբեֆը՝ փոխանցում է ITAR-TASS-ը:
Նրա խոսքերով՝ դեպի Լուսին և Մարս թռիչքի ծրագրերը մշակում է տիեզերական տարածքի յուրացան հարցերով զբաղվող միջազգային համակարգող խումբը, որում ներառված են 13 երկրների տիեզերական գերատեսչությունների և Եվրոպական տիեզերական գործակալության ներկայացուցիչները: Այն ձևավորվել է 2007 թվականին և 2011-ի սեպտեմբերին հրապարակել «Տիեզերքի գլոբալ հետազոտման ճանապարհային քարտեզը»:
Ինչպես նշել է Կանադայի տիեզերական գործակալության ներկայացուցիչը, խմբի բոլոր անդամները համաձայնել են, որ մարդու վերադարձը Լուսին կարևոր աստիճան է դեպի Մարս ճանապարհին: «Պետք է մշակել մոլորակի վրա վայրէջք կատարելու մեթոդիկա, իսկ Լուսինը կարող է դրա համար դառնալ փորձնական զորակայան»,- ասել է Պիեբեֆը: Նրա խոսքերով՝ անգնահատելի կլինի նաև Լուսնի վրա տևական բնակության փորձը:
