Sotheby’s աճուրդների տանը երեկ իրականացված աճուրդի ժամանակ հայտնի կոլումբիացի նկարիչ-քանդակագործ Ֆերնանդո Բոտերոյի աշխատանքները, որի «Սև կատուն» և «Մերկ հռոմեացի զինվորը» Երևանի ամենասիրված արձաններից են դարձել, վաճառվել են 7.5 միլիոն դոլարով:
Ընդհանուր առմամբ, աճուրդի էին հանվել նրա 17 աշխատանքները: Ամենաթանկ գինը վճարվել է «Ընտանիք» նկարի համար, որը նոր սեփականատիրոջն է անցել 1.398 միլիոն դոլարով: Մեկ միլիոն դոլարից ավելի էլ վճարվել է «Տղամարդը ձիու վրա» քանդակի համար:
79-ամյա Բոտերոն հայտնի է դարձել իր ոճով, երբ նրա հերոսների մարմնի չափերը գերազանցել են Ռուբենսի հերոսների չափերը: